Çin əsilli 48 yaşlı qadın yaşadığı evdə ölü tapılıb.

Medianews.az xəbər verir ki, hadisə İstanbulun Maslak qəsəbəsində baş verib.

Əldə edilən məlumata görə, Çin əsilli Oya Van Yan Qi həyat yoldaşı Can Van tərəfindən hamamda üçlü elektrik kablosundan asılmış vəziyyətdə tapılıb. Qadının hərəkətsiz olduğunu görən kişi həkim qruplarına xəbər verib. Məlumatdan sonra hadisə yerinə gələn sağlamlıq qrupları qadının üzərində apardıqları müayinələr nəticəsində onun öldüyünü müəyyən edib.

Ölümündən sonra ifadəsi şübhəli bilinən qadının həyat yoldaşı hadisə baş verən gün xaricdən gəldiyini və evə daxil olarkən həyat yoldaşını hamamda ölü gördüyünü bildirib.

Hadisə yeri araşdırma qruplarının işi və respublika prokurorunun araşdırmalarından sonra qadının cəsədi dəqiq ölüm səbəbinin müəyyən edilməsi üçün Bahçelievler Yenibosna Ədliyyə Tibb Təşkilatı meyitxanasına aparılıb.

NATO-nun sözçüsü Oana Lunqesku Rusiya prezidenti Vladimir Putinin Belarusda nüvə silahı yerləşdirəcəkləri ilə bağlı bəyanatını “təhlükəli” və “məsuliyyətsiz” adlandırıb, Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell isə yeni sanksiyalara işarə edib.

Musavat.com xəbər xəbər verir ki, NATO-nun sözçüsü Oana Lungesku verdiyi açıqlamada Rusiyanın nüvə ritorikasından sonra NATO-nun həyəcan vəziyyətində olduğunu bildirib.

"Vəziyyəti yaxından izləyirik. Rusiyanın nüvə mövqeyində bizim mövqeyimizi dəyişməyə sövq edəcək hər hansı dəyişiklik görmədik. Biz bütün NATO-nu qorumaq və müdafiə etmək əzmindəyik. NATO müttəfiqləri beynəlxalq öhdəliklərinə tam hörmətlə yanaşır. Rusiya ən son Yeni START müqaviləsində iştirakını dayandırmaqla silahlara nəzarət üzrə öhdəliklərini ardıcıl olaraq pozdu. Rusiya öz öhdəliklərinə qayıtmalı və vicdanla hərəkət etməlidir" - o deyib.

Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Josep Borrell isə bildirib ki, Belarusun Rusiyanın nüvə silahına ev sahibliyi etməsi gərginliyin məsuliyyətsiz şəkildə artması və Avropanın təhlükəsizliyinə təhdiddir.

"Belarus hələ də buna mane ola bilər, bu onların seçimidir. Aİ buna daha çox sanksiyalarla cavab verməyə hazırdır” - Borrell deyib.

PKK terror təşkilatının liderlərindən biri Bese Hozat Türkiyədəki seçki prosesi və CHP sədri Kamal Kılıçdaroğlunun namizədliyi ilə bağlı açıqlama verib.

Teleqraf.com xəbər verir ki, Türkiyənin çox önəmli bir prosesə girdiyini deyən terrorçu qarşıdakı seçkinin heç bir seçkiyə bənzəmədiyini bildirib.

PKK-nın müxalifətin “Altılıq Masası” koalisiyasına dəstəyini yeniləyən Hozat Türkiyə hökuməti əleyhinə hədyan səsləndirməkdən da çəkinməyib: “Güclü mübarizə aparılarsa, mayın 14-də bu “faşist hökumət” məhv olacaq”.

Hozat PKK-nın seçkilərə qədər “hərbi əməliyyat”larını dayandırdığını da açıqlayıb:

“Seçkilər bitənə qədər hərbi əməliyyatlarımıza son qoymaq qərarına gəldik”.

Terrorçu PKK-nın siyasi qanadı HDP-nin “Masa”ya dəstəyini “dəyərli, vacib və anlamlı” adlandırıb: “Biz bu mövqeyi dəstəkləyirik”.

Martın 19-da Qazaxıstan Məclisinə (Parlamentin aşağı palatası) keçirilən növbədənkənar seçkilərin nəticələrinə əsasən, hakim “Amanat” partiyası (əvvəllər “Nur Otan”) qanunverici orqanın yeni tərkibində 69 yerdən 40-nı qazanıb. Daha 29 deputat birmandatlı dairələrdən seçilib.

AZƏRTAC xəbər verir ki, bu barədə Qazaxıstan Mərkəzi Seçki Komissiyasının sədri Nurlan Abdirov brifinqdə deyib. Onun sözlərinə görə, altı partiya beş faizlik həddi keçməyə nail olub.

Ölkənin ən böyük partiyası – “Amanat” seçkilərdə 53,9 faiz səs toplayıb. Seçicilərin 10,9 faiz səsini qazanan Xalq-Demokratik Vətənpərvər Partiyası Qazaxıstan Məclisində səkkiz deputatla, Demokratik Partiya (8,41 faiz) altı deputatla, Xalq Partiyası (6,8 faiz) beş deputatla, “Respublika” partiyası (6,59 faiz) altı deputatla, müxalif Ümummilli Sosial-Demokratik Partiya (5,2 faiz) isə dörd deputatla təmsil olunacaq.

Bazar ertəsi Almaniya Xarici İşlər Nazirliyinin nümayəndəsi 30 rus diplomatının ölkədən çıxarılması ilə bağlı mətbuatda yayılan xəbərləri təsdiqləməyib.

"Belə bir tədbir - materialda təqdim edildiyi formada - hazırda nəzərdə tutulmayıb", - idarənin nümayəndəsi brifinqdə bu məsələ ilə bağlı əlavə məlumat vermədən deyib.

Şənbə günü "Focus" nəşri Xarici İşlər Nazirliyindəki mənbələrə istinadən yazıb ki, Almaniyanın xarici işlər naziri Annalena Burbok Berlində akkreditə olunmuş 30-dan çox rusiyalı diplomatı persona non-qrata elan etməyi planlaşdırır. Həmin gün Rusiya Xarici İşlər Nazirliyi diplomatların ölkədən çıxarılmasına “sərt cavab”ın hazır olduğunu açıqlayıb.

Türkiyə Prezident Administrasiyasında Rusiya lideri Vladimir Putinin ölkəyə gözlənilən səfəri ilə bağlı məlumat yoxdur.

Axar.az xəbər verir ki, bu barədə “RİA Novosti”yə Ərdoğanın ofisindəki mənbə bildirib.

Qeyd edək ki, bu gün Türkiyə mətbuatı Rusiya dövlət başçısının Ankaraya mümkün səfəri barədə məlumat yayıb.

Bildirilib ki, hakimiyyət Putinin səfərinə hazırlaşır və səfər gizli saxlanılır. İki ölkə liderlərinin geniş spektrli məsələləri müzakirə edəcəyi və Putinin Türkiyənin cənub-şərqindəki zəlzələ zonasına səfər edəcəyi gözlənilir.

Erməni politoloq, Alternativ Layihələr Qrupunun üzvü Vahe Hovannisyan diqqət çəkən açıqlamalar verib.

AzVision.az xəbər verir ki, o yerli mediaya verdiyi açıqlamada ölkəsinin məhv olma ehtimalının artdığını deyib.

"Nikol Paşinyanın dünənki mətbuat konfransından bir şey aydın oldu- Ermənistan ciddi sınaq və böyük münaqişə astanasındadır. Bu inanılmaz olsa da, amma faktdır. Tarix gözümüzün qabağında təkrarlanır. Biz hələ də fiziki məhv olma təhlükəsi ilə üz-üzəyik, dövlətçiliyimiz sual altındadır.
Bütün bunlar öz səhvlərimizə görə baş verir. Başqa millətlərin hava limanlarında təyyarə gözlədiyi kimi biz fəlakət gözləyirik. Biz sadəcə gözləmə mövqeyindəyik ki, görəsən başımıza nə gələcək, - ekspert qeyd edib.
Qaribaşvilinin sensasiyalı bəyanatı, İrəvanın “Baxmut”a çevrilməsiHovvanisyan erməni cəmiyyətinə sual ünvanlayaraq deyib: "Belə çıxır ki, 30 illik dövlətçilik tarixi bizə heç nə verməyib. Nə dövlət təfəkkürü, nə dövlət qurumları, nə şəxsiyyət, nə də başqa baxımdan inkişaf etmədik. Buna inana bilmirəm".
Bundan başqa, ekspert gileylənib ki, sanki insanlara heç nə təsir eləmir: "Ölümlər, minlərlə müharibə qurbanı, artıq vətəndaşların evlərindən 2 saatlıq məsafədə döyüşlərin baş verməsi cəmiyyətə təsir etmir. Artıq insanlarımıza korrupsiyalaşmış hakimiyyətlərin tarixçələri, onların ucaltdıqları malikanələr və təkəbbürlü davranışları təsir etmir. Sanki Rusiya ilə münasibətlərin süni və kəskin şəkildə dəyişməsi bizə heç bir nəticə vermir. Rusiyanın belə ölkələrin dövlətçiliyini itirəcəyi ilə bağlı açıq xəbərdarlığı, Ukraynadan gələn kadrlar da işə yaramır".
O həmçinin vurğulayıb ki, onları gözləyən fəlakəti dayandırmaq üçün bir fürsət var.
Qaçılmaz kimi görünən digər hadisə isə “Böyük döyüş”dür. Dünənki mətbuat konfransında Paşinyan həmişəki kimi ümumi tariximizin bəzi epizodlarını növbəti dəfə saxtalaşdırdı.

Gürcüstanın Rusiya ilə istənilən müqayisəsi qəbuledilməzdir. Bu müqayisənin kimin aparması önəmli deyil, əsas odur ki, gürcü xalqı bunu qəbul etməyəcək.

Globalinfo.az xəbər verir ki, bunu Gürcüstan parlamentinin spikeri Şalva Papuaşvili ABŞ səfirinin xarici agentlər haqqında qanun layihəsinin Kremldən ilhamlanaraq hazırlandığı iddiasına cavabında deyib.

“Səfirlər başa düşməlidirlər ki, Gürcüstanla Rusiyanın müqayisəsi gürcü xalqını təhqir etmək deməkdir. Üstəlik, bu müqayisə özündə heç bir əsasa sahib deyil. Bir tərəfdən biz totalitar rejimin olduğu Rusiyadan bəhs edirik, digər tərəfdən demokratik Gürcüstandan danışırıq. Bunu görməmək olmaz. Gürcü xalqı bunu qəbul etməyəcək”, – o bildirib.

Mayın 14-də Türkiyədə keçiriləcək prezident seçkilərinə daha bir namizədin adı açıqlanıb.

Musavat.com xəbər verir ki, Məmləkət Partiyasından Məhərrəm İncə prezidentliyə namizəd olub.

Məmləkət Partiyası namizədini müəyyən etmək üçün ölkə üzrə bütün rayon və şəhər təşkilatlarında üzvlərin səsverməsi ilə seçki keçirib. 105 min 326 partiya üzvünün səs verdiyi partiyadaxili seçkidə Məhərrəm İncə yekdilliklə səs qazanıb.

DOSYE: Məhərrəm İncə 4 may 1964-cü ildə Yalova əyalətinin Elmalık rayonunda anadan olub. İxtisasca fizika-kimya müəllimidir. Məmləkət partiyasının qurucusu və sədridir.

O, 2002-2015-ci illərdə keçirilən parlament seçkilərində CHP-nin Yalovadan deputatı seçilib.

Məhərrəm İncənin 2018-ci il prezident seçkilərində Cumhuriyyət Xalq Partiyası (CHP) tərəfindən namizədliyi irəli sürülmüşdü. Prezident seçkilərində xalqdan 30.64 faiz səs toplamışdı.

Məhərrəm İncə 8 dekabr 2020-ci il tarixində CHP-dən ayrılaraq Məmləkət Hərakatı Partiyasını yaradacağını açıqladı.


8 fevral 2021-ci ildə mətbuat konfransı keçirərək CHP-dən ayrıldığını rəsmən elan etdi. 17 may 2021-ci ildə Məmləkət Hərəkatının adını dəyişərək Məmləkət Partiyası etdi. 18 sentyabr 2021-ci ildən etibarən bu partiyanın sədridir.

ABŞ-ın müdafiə naziri Lloyd Ostin İsrailin İrana qarşı hərəkətlərini xüsusi əməliyyata bənzədəndə az adam onun sözünə diqqət yetirdi. Lakin İsrailin Baş naziri Benyamin Netanyahu ilə son görüşdə İrandan gələn təhdidlərlə bağlı məsələlər qaldırıldıqda bir neçə nüans tam aydın oldu. İsrail nüvə silahına malik qonşu dövlətin qəti əleyhinədir. Yəhudi Baş nazirin əhval-ruhiyyəsini və xarakterini nəzərə alsaq, şübhəsiz ki, o, hərəkətə keçəcək. Amerika hesab edir ki, raketlərdən istifadə İrandan gələn təhdidləri dayandırmaq üçün lazımdır. Ağ Evdə İran hədəflərinin bombalanması üçün konkret plan var. Amerika siyasətçiləri başa düşdülər ki, tərəflər arasında heç bir danışıqlar olmayacaq.

Axar.az xəbər verir ki, bu barədə “Arqumentı i faktı” məlumat yayıb.


“ABŞ İsrailin təkcə nüvə obyektlərini deyil, həm də silahların çatdırılması sistemlərini, eləcə də İranın hava hücumundan müdafiəsini bombalamasında maraqlıdır. Təl-Əvivin qonşusunun nüvə obyektlərinə əməliyyat zərbələri endirmək üçün hər cür əsası var. İran mühəndisləri artıq nüvə bombası yaratmaq üçün istifadə oluna biləcək uranı zənginləşdiriblər. Netanyahu daha əvvəl Vaşinqton və Brüsselin İrandan gələn təhlükənin səviyyəsini dərk etdiyini bildirib. İranın nüvə proqramı artıq başa çatmaq üzrədir. İsrail Baş nazirinin açıqlamaları onun avropalılar və amerikalıların dəstəyini almasından xəbər verir”, - məlumatda deyilir.v