Azərbaycanın son illərdə keçdiyi inkişaf yolu təsadüfi deyil, düşünülmüş və ardıcıl dövlət siyasətinin nəticəsidir. Bu yolun mərkəzində isə Prezident İlham Əliyevin formalaşdırdığı milli liderlik modeli dayanır. Bu model güclü dövlət, rifahlı cəmiyyət və qürurlu xalq anlayışına əsaslanır.

İlham Əliyev üçün hakimiyyət bir məqsəd deyil, xalqa xidmət vasitəsidir. Onun siyasi baxışlarında Azərbaycan vətəndaşının təhlükəsizliyi, sabaha inamı və ləyaqətli həyatı əsas yer tutur. Bu yanaşma cəmiyyətlə dövlət arasında möhkəm etimad körpüsü yaradıb.

Prezidentin xalqla münasibəti formal çərçivələrlə məhdudlaşmır. O, regionlara səfərləri, sadə vətəndaşlarla təması və real problemlərə yerində baxışı ilə lider-xalq birliyini daim canlı saxlayır.

İlham Əliyevin beynəlxalq siyasətdə tutduğu mövqe Azərbaycanın müstəqil iradəsinin ifadəsidir. O, qlobal güclər arasında balans yaratmağı bacaran, milli maraqları kompromiss mövzusuna çevirməyən lider kimi tanınır.

Azərbaycan bu gün dünya miqyasında etibarlı tərəfdaş kimi qəbul olunursa, bu, Prezidentin prinsipial və ardıcıl xarici siyasət kursunun nəticəsidir. Ölkəmiz beynəlxalq platformalarda öz sözünü inamla deyən dövlətə çevrilib.

Ali Baş Komandan kimi İlham Əliyevin fəaliyyəti müasir Azərbaycan tarixində xüsusi yer tutur. Onun qətiyyəti, siyasi iradəsi və strateji baxışı ordunun gücünə güc qatdı.

İşğal altındakı torpaqların azad edilməsi sadəcə hərbi uğur deyil, milli ədalətin bərpası idi. Bu Zəfər Azərbaycan xalqının ruhunu, inamını və özünə güvənini yenidən dirçəltdi.

Qələbə xəbərinin xalq tərəfindən göz yaşları ilə qarşılanması İlham Əliyevlə xalq arasında olan mənəvi bağın ən açıq sübutu oldu. Bu bağ sözlə deyil, taleyüklü qərarlarla möhkəmləndi.

Şuşanın azadlığı isə bu tarixi prosesin zirvəsinə çevrildi. Şuşa Fatehi ifadəsi İlham Əliyevin adının artıq tarixlə birgə çəkilməsinin rəmzinə çevrildi.

Şuşanın dirçəlişi Prezidentin mədəniyyətə və milli irsə verdiyi önəmin göstəricisidir. Bu şəhər yenidən Azərbaycanın mənəvi paytaxtı statusunu bərpa etdi.

Müharibədən sonrakı dövrdə Prezident İlham Əliyev yeni mərhələnin lideri kimi çıxış etdi. Onun prioriteti dağıdılmış torpaqları həyatla doldurmaq, insanları doğma yurdlarına qaytarmaq oldu.

Bərpa olunan şəhərlər, salınan yollar və yaradılan yaşayış məkanları gələcəyə hesablanmış dövlət baxışının nəticəsidir. Bu siyasət yalnız bugünü deyil, gələcək nəsilləri düşünür.

Şəhid ailələrinə göstərilən diqqət Prezidentin mənəvi məsuliyyət anlayışının təzahürüdür. Dövlət bu ailələrin dərdini öz dərdi kimi qəbul edir və onları heç vaxt tək buraxmır.

Qazilərin sosial müdafiəsi, reabilitasiyası və cəmiyyətə inteqrasiyası İlham Əliyevin insan mərkəzli siyasətinin əsas sütunlarından biridir. Bu, minnətdarlığın dövlət səviyyəsində ifadəsidir.

Prezident üçün sosial ədalət abstrakt anlayış deyil. O, bu anlayışı konkret qərarlar və davamlı proqramlarla reallaşdırır.

İqtisadi siyasətdə əldə olunan uğurlar ölkənin dayanıqlığını artırıb. Güclü iqtisadiyyat güclü dövlətin əsas dayağına çevrilib.

İlham Əliyevin rəhbərliyi ilə Azərbaycan yalnız enerji ölkəsi deyil, nəqliyyat, logistika və sənaye imkanları ilə də seçilən mərkəzə çevrilib.

Gənclərə yaradılan imkanlar gələcəyə qoyulan ən böyük sərmayədir. Təhsil, bilik və təşəbbüskarlıq təşviq edilir, gənclərin potensialı dövlət tərəfindən dəstəklənir.

Prezidentin liderlik üslubu məsuliyyət, qətiyyət və vicdan üzərində qurulub. O, verdiyi qərarların məsuliyyətini daşıyan liderdir.

Bu gün İlham Əliyev Azərbaycan xalqının yaddaşında təkcə prezident kimi deyil, dövləti qoruyan, torpaqları qaytaran və millətin taleyini dəyişən lider kimi yaşayır.

Azərbaycan Respublikasının Prezidenti İlham Əliyev yerli televiziya kanallarına verdiyi müsahibədə 2025-ci ilin ölkəmiz üçün tarixi və dönüş nöqtəsi olduğunu vurğulayıb. Dövlət başçısı ötən ilin mühüm hadisələrini, strateji nailiyyətləri və gələcəyə dair planları ictimaiyyətlə bölüşüb. 2025-ci il Qarabağ probleminin siyasi baxımdan yekunlaşdırılması və ölkəmizdə mövcud olan sabitliyin daha da gücləndirilməsi ilə yadda qaldı. Bu sülh dövrü qısa müddətdə təhlükəsizlik, rifah və inkişaf baxımından öz müsbət nəticələrini verməyə başlayıb.

Müsahibədə Azərbaycan-Amerika münasibətlərindəki irəliləyişlərə də geniş yer ayrılıb. Xüsusilə 907-ci düzəlişin Prezident Tramp tərəfindən rəsmən aradan qaldırılması qeyd olunub. Bu addım iki ölkə arasında uzun illərdir mövcud olan bir maneəni aradan qaldıraraq, münasibətlərin strateji tərəfdaşlıq səviyyəsinə qalxmasına zəmin yaradıb. Strateji İşçi Qrupunun yaradılması və Strateji Tərəfdaşlıq Xartiyasının hazırlanması üzrə intensiv işlər aparılır. Eyni zamanda, ABŞ və Azərbaycan arasında investisiya, nəqliyyat, hərbi-sənaye və süni intellekt sahələrində əməkdaşlıq genişlənməkdədir.

Çinlə münasibətlərdə də mühüm irəliləyişlər müşahidə olunub. İmzalanmış hərtərəfli strateji tərəfdaşlıq sənədləri nəticəsində ticarət dövriyyəsi rekord həddə çatıb. Çin şirkətləri yaşıl enerji, nəqliyyat və hərbi-texniki sahələrə sərmayələr qoyur. Elektrik avtobuslarının yığılması, günəş panelləri zavodlarının tikintisi və yeni nəqliyyat marşrutlarının maliyyələşdirilməsi bu əməkdaşlığın əyani göstəricisidir.

Azərbaycanın Mərkəzi Asiya ilə sıxlaşan əlaqələri ölkənin regiondakı nüfuzunu daha da artırıb. Ölkəmiz Mərkəzi Asiya Məşvərət Şurasına tamhüquqlu üzv seçilmiş, Cənubi Qafqaz ilə Mərkəzi Asiyanı birləşdirən əsas nəqliyyat qovşağına çevrilmişdir. Azərbaycandan keçən yüklərin həcmi kəskin artıb, yeni dəhlizlər və infrastruktur layihələri bu artıma uyğun şəkildə genişləndirilir.

İşğaldan azad olunmuş torpaqlarda genişmiqyaslı bərpa və quruculuq işləri aparılır. Bu ərazilərdə 70 mindən çox insan artıq yaşayır. Xankəndi, Şuşa, Ağdam və Laçında beynəlxalq tədbirlər keçirilib, yeni yollar, tunellər və dəmir yolları istifadəyə verilib. Enerji təminatı üçün dairəvi sistem qurulub, su anbarları yenidən tikilib, yaşayış üçün zəruri olan bütün infrastruktur yaradılır.

Sosial sahədə də əhəmiyyətli addımlar atılıb. Əhalinin rifahının yüksəldilməsi üçün 7 ildə 5 sosial islahat paketi həyata keçirilib, 4 milyon insan bu proqramlardan faydalanıb. Şəhid ailələrinə və müharibə əlillərinə minik avtomobilləri və mənzillər verilib, müasir protezlərlə təmin edilən müharibə iştirakçıları normal həyata qayıdıb. Əməkhaqları, pensiyalar və sosial müavinətlər mütəmadi artırılır.

Azərbaycan iqtisadiyyatının dayanıqlılığı güclənir. Xarici borc ÜDM-in cəmi 6 faizindən bir qədər çoxdur, valyuta ehtiyatları isə borcu 17 dəfə üstələyir. Qızıl ehtiyatlarının artırılması ölkəyə 10 milyard dollar əlavə gəlir qazandırıb. Kredit reytinqləri müsbətə doğru dəyişib. Bütün bu nəticələr, ölkəmizin iqtisadi müstəqilliyini, güclü valyuta ehtiyatlarını və strateji maliyyə idarəçiliyini təsdiqləyir.

Bakı və ətraf ərazilərdə genişmiqyaslı su-kanalizasiya, nəqliyyat və metro layihələri həyata keçirilir. Qarabağ və Şərqi Zəngəzurda aparılan quruculuq işləri ilə paralel olaraq Naxçıvanda da yaşıl enerji və kənd təsərrüfatı sahəsində yeni layihələr icra olunur. Zəngəzur və Araz dəhlizləri vasitəsilə Naxçıvanla ölkənin əsas hissəsi arasında iki yeni bağlantı yaradılır.

Prezident İlham Əliyev qeyd edib ki, ölkə siyasətinin mərkəzində hər zaman Azərbaycan vətəndaşı dayanır. Populizmdən uzaq, real və məqsədyönlü inkişaf siyasəti nəticəsində həm sosial, həm də iqtisadi sahədə davamlı və dayanıqlı uğurlar əldə edilir. Gələcəkdə də əsas prioritetlərdən biri iş yerlərinin yaradılması, regionların inkişafı və vətəndaşların rifah halının daha da yüksəldilməsi olacaq.

Bu müsahibə Prezident İlham Əliyevin strateji baxışının, güclü liderliyinin və milli maraqlara əsaslanan siyasətinin növbəti aydın ifadəsi oldu. Azərbaycanın sabaha daha güclü və inamla irəliləməsi bu qətiyyətli siyasətin bəhrəsidir.

Azərbaycan xalqının yaddaşında dərin iz qoyan, dövlətçilik düşüncəsinin zirvəsində dayanan, siyasi iradəsi və müdrikliyi ilə bir xalqın taleyini dəyişən Heydər Əliyev hər il olduğu kimi, bu gün də böyük sevgi və ehtiramla yad edilir. Onun xatirəsi yalnız tarixdə deyil, eyni zamanda bu günün reallığında, Azərbaycanın hər bir uğurunda, hər bir inkişaf mərhələsində öz əksini tapır. Onun qurduğu dövlətçilik məktəbi bu gün də yaşayır, inkişaf edir və Azərbaycanı daha böyük zirvələrə aparır.

Ulu öndərin Azərbaycan üçün gördüyü işlər nə yalnız siyasi addımlardan, nə də idarəçilik bacarığından ibarət idi. O, eyni zamanda bir xalqın özünə inamını bərpa edən, milli ruhunu dirçəldən, dövlətçilik şüurunu yenidən formalaşdıran lider idi. Onun rəhbərliyi altında Azərbaycan təkcə siyasi sistemini deyil, həm də milli kimliyini, dövlət olaraq mövcudluğunu möhkəmləndirdi.

Heydər Əliyev xalqın ağır, çətin, bəzən çıxılmaz görünən günlərində xilaskar kimi meydana çıxmış, Azərbaycanı həm daxili çətinliklərdən, həm də xarici təzyiqlərdən qoruyaraq sabit və güclü dövlətə çevirmişdi. O, dövlətin əsaslarını o qədər möhkəm qurmuşdu ki, bu gün də həmin təməl üzərində inamla irəliləyirik. Məhz bu səbəbdən onun adı Azərbaycan dövlətçiliyinin sinoniminə çevrilmişdir.

Azərbaycanın müstəqilliyi Heydər Əliyevin ən böyük amal və məqsədi idi. O, bu müqəddəs ideyanı gerçəkləşdirmək üçün bütün həyatını dövlətə və xalqa həsr etdi. Onun hər addımı, hər sözü, hər siyasi qərarı bu amallara xidmət edirdi. Ulu öndər müasir Azərbaycanın ideya müəllifi, konsepsiya yaradıcısı və qurucusu oldu.

O, xalqımızı tarixin sınaqlarından uğurla çıxarmaqla yanaşı, gələcək inkişaf üçün də strateji yol göstərdi. İdarəçilikdə tətbiq etdiyi dəqiq və ağıllı siyasət ölkədə sabitlik yaratdı, iqtisadi inkişafın əsasını qoydu və Azərbaycanın dünya birliyində layiqli yer tutmasına imkan verdi. Bu gün Azərbaycan beynəlxalq aləmdə etibarlı tərəfdaş kimi tanınırsa, bunun təməli məhz Heydər Əliyevin uzaqgörən siyasətindədir.

Ulu öndərin siyasi kursunun prezident İlham Əliyev tərəfindən uğurla davam etdirilməsi isə bu tarixi irsin canlılığının göstəricisidir. İlham Əliyev təkcə atasının siyasi xəttini davam etdirmir, eyni zamanda onu yeni dövrün tələblərinə uyğun daha da inkişaf etdirir, Azərbaycanı dünyada güclü dövlətə çevirir.

Bu gün Azərbaycan dinamik inkişaf edən, söz və nüfuz sahibi olan bir ölkəyə çevrilmişdir. Regional layihələr, beynəlxalq əməkdaşlıqlar, iqtisadi tərəqqi və siyasi güc ölkəmizin mövqeyini hər gün daha da möhkəmləndirir. Bu inkişafın arxasında ulu öndərin müəyyən etdiyi strateji xətt dayanır.

Xalqımız üçün ən böyük tarixi dönüşlərdən biri, əlbəttə ki, torpaqlarımızın işğaldan azad olunmasıdır. Bu qələbə hər bir azərbaycanlının həyatına sevinc, qürur və güvən gətirdi. Bu tarixi missiyanın başında dayanmış Ali Baş Komandan İlham Əliyev həm döyüş meydanında, həm də diplomatik sahədə parlaq liderlik nümayiş etdirdi.

Şuşanın azad olunması, Qarabağın bütövləşməsi yalnız hərbi uğur deyil, həm də Heydər Əliyev ideyalarının davamı idi. Çünki ulu öndərin ən böyük arzularından biri dövlətimizin ərazi bütövlüyünün bərpası idi. Bu gün həmin arzular reallaşmış, o müqəddəs torpaqlarda yenidən həyat başlamışdır.

Azad olunan torpaqlarda böyük quruculuq işləri aparılır. Şəhərlərimiz dirçəlir, kəndlərimiz yenidən tikilir, yollar, məktəblər, xəstəxanalar, hava limanları inşa edilir. Hər gün daha çox insan öz doğma yurdlarına qayıdır. Bu böyük dönüşün təməlində xalqın birliyi, dövlətin gücü və ulu öndərin yaratdığı möhkəm idarəçilik məktəbi dayanır.

Heydər Əliyevin xalq sevgisi tükənməz idi və bu sevgi qarşılıqlı idi. O, xalqına yalnız bir lider kimi yox, həm də bir ata kimi yanaşırdı. Dövlət quruculuğunu xalqla birlikdə aparır, hər bir insanın səadətini öz şəxsi məsuliyyəti kimi qəbul edirdi. Buna görə də xalq onu bu gün də eyni sevgi ilə yad edir.

Ulu öndərin xatirəsi xalqın qəlbində yalnız bir gün deyil, hər gün yaşayır. Onun adı çəkiləndə azərbaycanlıların gözlərində hörmət, minnətdarlıq və qürur hissi yaranır. Çünki Heydər Əliyev bir insan ömründən də böyük bir miras qoyub getmişdir.

Bu gün müstəqil Azərbaycan Respublikasının hər uğuru Heydər Əliyevin ideyalarının yaşadığını göstərir. O, tarixə yalnız böyük siyasətçi kimi deyil, həm də bir milləti ayağa qaldıran əzm, müdriklik və iradə simvolu kimi düşmüşdür.

Onun yaratdığı dövlətçilik modeli bu gün də öz gücünü qoruyur, zamanın sınaqlarından keçib daha da möhkəmlənir. Bu modelin əsasını milli həmrəylik, dövlət maraqları, xalqın rifahı və güclü Azərbaycan ideyası təşkil edir.

Xalqımızın ona olan hörməti illər keçdikcə daha da böyüyür. Bu hörmət təkcə tarixi şəxsiyyətə deyil, həm də Azərbaycanı sevən, ona canını, ömrünü verən bir insana olan ehtiramdır. Bu sevgi illərin, əsrlərin belə dəyişməyəcəyi bir dəyərdir.

Heydər Əliyev Azərbaycan üçün gördükləri ilə ölümsüzləşmişdir. Onun qoyduğu əbədi izləri silmək mümkün deyil. Məhz buna görə onun anım günü yalnız xatırlama deyil, həm də böyük minnətdarlıq günüdür.

Bu gün Azərbaycan xalqı ulu öndərin ruhu qarşısında baş əyir, onun dahi şəxsiyyətini ehtiramla yad edir. Onun bizə miras qoyduğu dövlətçilik dəyərlərini yaşatmaq isə hər bir azərbaycanlının borcudur.

Heydər Əliyevin həyat yolu, mübarizəsi, fədakarlığı və dövlətçilik irsi gələcək nəsillər üçün ən qiymətli məktəbdir. Bu məktəb bizi sabaha daha inamla aparır, daha böyük uğurlara ruhlandırır.

Onun adı Azərbaycan tarixinin ən şərəfli səhifələrində sonsuza qədər yaşayacaq. Xalqımızın qəlbində yanan bu sevgi, bu ehtiram heç vaxt sönməyəcək. O, Azərbaycan xalqının yaddaşında daim yaşayan bir dəyər, bir ideya, bir örnək olaraq qalacaq.

Ulu öndərin anım günü mərhəmətlə, ehtiramla və böyük hörmətlə qeyd edilir. Onun həyat yolu hər kəs üçün nümunə, onun irsi isə dövlətimiz üçün yol xəritəsidir.

Bu gün gənclərimizin Heydər Əliyev ideyaları ilə böyüməsi, dövlətçilik düşüncəsinə sadiq olması ulu öndərin ruhuna ən böyük ehtiramdır. Çünki onun arzusu güclü, birləşmiş və nüfuzlu Azərbaycan idi.

Bu arzular bu gün reallaşdırılır, Azərbaycan yeni zirvələrə doğru inamla irəliləyir. Bu inkişafın və gücün mayasında isə ulu öndərin qoyduğu təməl dayanır. Onun adı, onun ideyaları və onun yaddaşı Azərbaycan xalqının ürəyində əbədiyaşardır.

Dövlət Yol Polisi Bölməsinin Beyləqan rayon rəisi, polis mayoru Ruslan Rəhimov - Azərbaycan xalqının yaddaşında elə böyük şəxsiyyətlər var ki, onların adı zamanın gedişində unudulmur, silinmir, əksinə, hər il daha da ucalır, daha da işıqlanır. Heydər Əliyev də belə şəxsiyyətlərdən biridir – Onun ideyaları, ölkəmiz və xalqımız qarşısında misilsiz xidmətləri onu Azərbaycan tarixinin fövqündə dayanan bir liderə çevirib. Bu gün Ulu Öndərin anım günü münasibətilə hər bir azərbaycanlı qəlbinin dərinliyində bir daha bu dahi insanın böyüklüyünü xatırlayır, ona olan sonsuz ehtiramını və sevgisini ifadə edir.

Heydər Əliyev Azərbaycan dövlətçiliyinin yenidən qurulması işində əvəzsiz rol oynayan, xalqını çətinliklərdən, böhranlardan, təhlükələrdən çıxaran qüdrətli lider idi. Onun həyat yolu bütöv bir xalqın taleyi ilə sıx bağlı olub, müasir Azərbaycanın formalaşmasının əsas sütunu məhz onun siyasi iradəsi, müdrik zəkası və qətiyyətli liderliyi nəticəsində yaranıb. Mənəvi güc, intellekt və dövlətçilik təcrübəsi Heydər Əliyevi bənzərsiz tarixi şəxsiyyət səviyyəsinə yüksəldib.

Heydər Əliyev milli dövlətçilik ideyasını dərin fəlsəfəyə söykənən bir yol kimi qəbul edir, xalqını bu yola səfərbər etməyi bacarırdı. Onun siyasi xətti yalnız ölkənin bu gününü deyil, uzaq gələcəyini də hədəfləyirdi. Əslində, bu gün Azərbaycanın dünya miqyasında qazandığı bütün uğurların, sabitlik və inkişaf mühitinin təməli məhz o dövrdə qoyulub.

Bu böyük şəxsiyyətin ən mühüm xidmətlərindən biri xalqın dövlətə inamını bərpa etməsi idi. Elə bir dövrdə ki, Azərbaycan çətinlik içində idi, sabahına ümid azalmışdı, məhz Heydər Əliyevin hakimiyyətə qayıdışı ilə ölkədə islahatlar başladı, dövlətçilik ideyası yenidən gücləndi və xalq inamını itirdiyi bütün dəyərlərə yenidən sahib oldu.

Onun rəhbərliyi Azərbaycanı dağılmaq təhlükəsindən xilas etdi. Siyasi sabitlik yaradıldı, daxili çəkişmələrə son qoyuldu və dövlət idarəçiliyi sistemli, peşəkar bir istiqamətə yönəldi. Bu səbəbdən də Heydər Əliyev yalnız bir siyasətçi deyil, əsl xilaskar lider kimi tarixə düşdü.

Heydər Əliyevin xarici siyasət xətti Azərbaycanın beynəlxalq münasibətlərdə layiqli mövqe qazanmasına səbəb oldu. Ölkəmiz dünya dövlətləri ilə tərəfdaşlıq münasibətləri qurdu, regionda və beynəlxalq arenada strateji rolunu möhkəmləndirdi. Bu xətt Azərbaycanın bu gün də möhkəm siyasi dayaqlara malik olmasına geniş imkanlar açdı.

Ulu öndərin enerji strategiyası isə Azərbaycanı dünyanın iqtisadi xəritəsinə daxil edən ən böyük layihələrdən biri oldu. Bu strategiya nəticəsində ölkəmiz həm iqtisadi güc qazandı, həm də regionda söz sahibi olan dövlətə çevrildi. Azərbaycan üçün yeni inkişaf mərhələsinin qapıları məhz həmin dövrdə açıldı.

Heydər Əliyevin xalqı ilə olan bağlılığı onu daha da ucaldan amillərdən biri idi. Xalqın sevgi və etimadını qazanmağın ən real yolu xalqa xidmət etməkdirsə, Ulu Öndər bunu bütün varlığı ilə həyata keçirirdi. Onun hər bir çıxışı, hər bir qətiyyəti xalqına olan səmimi sevgidən qaynaqlanırdı.

Bu gün müstəqilliyimizin möhkəm dayaqlar üzərində dayanması, Azərbaycan Respublikasının dünyada güclü, mötəbər bir dövlət kimi qəbul olunması məhz Heydər Əliyevin uzaqgörən siyasətinin bəhrəsidir. O, müasir Azərbaycan dövlətçiliyinin memarı olaraq xalqına əmanət etdiyi bu yolu sabaha qədər uzanan bir ümid və güvən xəttinə çevirib.

Ulu Öndərin siyasi irsi bu gün də ölkəmizin inkişaf strategiyasının əsasını təşkil edir. Bu irs həm mahiyyəti, həm də məqsədi etibarilə yalnız Azərbaycanın dövlət kimi güclənməsinə xidmət edir. Elə buna görədir ki, bu gün də Heydər Əliyevin ideyaları həyatımızın hər sahəsində özünü göstərməkdə davam edir.

Bu irsi böyük uğurla davam etdirən Azərbaycan Respublikasının Prezidenti İlham Əliyev isə həm siyasi müdriklik, həm də liderlik keyfiyyətləri ilə ölkənin inkişaf yolunu daha da gücləndirib. Onun həyata keçirdiyi genişmiqyaslı islahatlar, qətiyyətli addımlar, milli maraqları qorumaq istiqamətində göstərdiyi iradə Heydər Əliyev siyasətinin ən parlaq davamıdır.

İlham Əliyevin rəhbərliyi ilə Azərbaycan həm regionun, həm də beynəlxalq dünyanın güclü dövlətlərindən birinə çevrilib. Xalqın birliyi, dövlətin gücü və müdrik siyasi xəttin bir araya gəlməsi ölkəmizi yeni yüksəkliyə aparıb. Bu, Ulu Öndərin düşünülmüş siyasətinin bu gün də nə qədər aktual və davamlı olduğunun göstəricisidir.

Prezident İlham Əliyevin Ali Baş Komandanlığı altında Vətən müharibəsində əldə edilən tarixi Zəfər isə bu davamlılığın ən parlaq sübutudur. Xalqın birliyi, ordumuzun gücü, liderin qətiyyəti nəticəsində Azərbaycan öz torpaqlarını işğaldan azad etdi. Şuşaya sancılan bayraq həm də Heydər Əliyev ideyalarının tarixi qələbəyə çevrilməsi idi.

Azad edilən torpaqlarda bu gün geniş quruculuq işləri aparılır. Qarabağ və Şərqi Zəngəzurda həyat yenidən canlanır, yollar çəkilir, məktəblər, xəstəxanalar, evlər tikilir. İnsanlar öz doğma yurdlarına qayıdır, həyat yenidən nəfəs alır. Bu böyük dönüş həm də Heydər Əliyevin qurduğu dövlətçilik dayaqlarının möhkəmliyinin göstəricisidir.

Bu gün Azərbaycanın hər bir bölgəsində, hər bir evdə Heydər Əliyevin xatirəsi böyük hörmətlə anılır. Xalqının taleyi üçün çalışan bu dahi şəxsiyyətin adı daim ehtiramla çəkilir, onun ruhu qarşısında minnətdarlıqla baş əyilir. Çünki o, xalqına yalnız dövlət qurmadı, həm də azərbaycançılıq ideyasını əbədiyaşar milli dəyərə çevirdi.

Heydər Əliyevin həyat yolu gənc nəsil üçün də örnəklər mənbəyidir. Onun vətənə xidmət fəlsəfəsi, əzm və iradəsi, dövlətə bağlılıq hissi bu gün də minlərlə gəncin həyat yolunu işıqlandırır. Bu təfəkkür Azərbaycan vətəndaşını daha mübariz, daha məqsədyönlü edir.

Bu böyük insanın xatirəsi milyonların ürəyində yaşayır. Onun adı çəkiləndə xalqımızın qəlbi qürurla dolur, minnətdarlıq hissi güclənir, çünki Heydər Əliyevin Azərbaycan üçün etdikləri bir ömürlük deyil, əbədidir. Dövlətçiliyimizin hər uğuru onun uzaqgörən ideyalarının gerçəkləşməsinin davamıdır.

Heydər Əliyev yalnız bir dövrün lideri deyildi, o həm də gələcək nəsillərin yolunu işıqlandıran mənəvi mayak idi. Onun düşüncəsi, baxışları, dəyərləri bu gün də dövlət həyatının hər sahəsində öz işığını saçır. Azərbaycanın güclü, suveren, rifah içində yaşayan bir ölkəyə çevrilməsi onun nəhəng dövlətçilik məktəbinin nəticəsidir.

Xalqımızın Heydər Əliyevə olan sevgisi tükənməzdir, çünki o, Azərbaycana müqayisəsiz xidmətlər göstərib. Bu dahi şəxsiyyətin xatirəsi hər bir azərbaycanlının qəlbində əbədi olaraq yaşayacaq və heç vaxt silinməyəcək. Onun adı həm dövlətçilik tariximizdə, həm də milli yaddaşımızda xüsusi çəkisi olan bir zirvədə dayanır.

Ulu Öndərin anım günü yalnız xatırlama günü deyil, həm də onun irsindən öyrənmək, gələcəyimizi daha möhkəm əsaslar üzərində qurmaq üçün unudulmaz bir fürsətdir. Hər bir Azərbaycan vətəndaşı bu gün Ulu Öndərin qoyduğu yolun davam etdirilməsinin nə qədər vacib olduğunu bir daha dərk edir.

Heydər Əliyevin siyasəti Azərbaycanın gücünün, sabitliyinin və inkişafının bünövrəsidir. Bu siyasətin davamı xalqımıza yeni uğurlar, yeni qələbələr gətirir və gətirməkdə davam edəcək. Bu gün ölkəmizin regionda lider mövqeyi, beynəlxalq arenada nüfuzu və xalqın rifahı onun irsinə sadiqlik sayəsində daha da möhkəmlənir.

Azərbaycan xalqı öz qədirbilənliyi ilə hər zaman Ulu Öndərin xatirəsini əziz tutur. Onun adı ucaldıqca, Azərbaycan daha da güclənir, xalqımız daha da birləşir. Bu sevgi, bu ehtiram heç vaxt bitməyəcək, əksinə, zaman keçdikcə daha da dərinləşəcək.

Bu gün Heydər Əliyevin anım günü xalqımız üçün həm hüzn, həm qürur, həm də minnətdarlıq günüdür. Hüzn – belə bir dahi insanın fiziki olaraq aramızdan ayrılmasına görə; qürur – onun Azərbaycan üçün yaratdığı möhtəşəm əsərə görə; minnətdarlıq – bir milləti parlaq gələcəyə aparan əvəzsiz lider olduğuna görədir.

Ulu Öndərin əziz xatirəsi qarşısında bütün xalqımız baş əyir, ona olan hörmət və sevgi ilə bir daha bildirir ki, Heydər Əliyev Azərbaycan xalqının ürəyində əbədi yaşayacaq. O, bizim milli qürurumuz, dövlətçilik simvolumuz, böyük yolumuzu işıqlandıran əbədi liderimizdir.

Azərbaycan xalqı hər il dekabr ayının on ikisində böyük bir ehtiramla ümummilli lider Heydər Əliyevin anım gününü qeyd edir. Bu gün təkcə bir tarix deyil, milli yaddaşımıza həkk olunmuş, dövlətçiliyimizin ideya təməlini formalaşdıran bir şəxsiyyətə olan əbədi ehtiramın ifadəsidir. Heydər Əliyev Azərbaycan xalqının taleyində misilsiz rol oynamış, ölkəmizin bugünkü inkişaf yolunun əsaslarını yaratmışdır.

Hər bir xalqın tarixində elə şəxsiyyətlər olur ki, zaman keçdikcə onların böyüklüyü daha da aydın görünür. Heydər Əliyev belə nadir insanlardan biridir. O, Azərbaycanın inkişafında təkcə müəyyən bir mərhələyə deyil, bütöv bir epoxaya möhür vurmuş rəhbərdir. Onun siyasi iradəsi, müdrikliyi və uzaqgörənliyi xalqımızı tarixin ən mürəkkəb sınaqlarından çıxarmışdır.

Heydər Əliyev Azərbaycan dövlətçiliyinin memarı kimi tanınır. Müstəqilliyini yenicə bərpa edən ölkəmizin qarşısında duran saysız-hesabsız təhlükələrə baxmayaraq, ulu öndər Azərbaycan Respublikasını möhkəm dayaqlar üzərində qurdu. O, dövlətin institusional əsaslarını formalaşdırdı, milli ideologiyanı yaratdı və Azərbaycanı beynəlxalq aləmdə etibarlı tərəfdaş kimi tanıtdı.

Dövlətçilik onun üçün sadəcə siyasi idarəçilik deyildi. Heydər Əliyev üçün dövlətçilik xalqına xidmət etmək, ölkəsini inkişaf etdirmək və müstəqilliyi əbədi və sarsılmaz etmək idi. Bu prinsip onun bütün fəaliyyətinin ana xəttini təşkil edirdi. O, həm siyasi, həm də mənəvi lider olaraq Azərbaycan insanının qəlbində özünə əbədi yer qazandı.

Müstəqillik illərində ölkənin təhlükəsizliyi, siyasi sabitliyi və iqtisadi inkişafı Heydər Əliyevin dəmir iradəsi, qətiyyətli addımları sayəsində təmin edildi. O, Azərbaycanın gələcəyinin yalnız güclü dövlətə bağlı olduğunu dərk edir və bütün addımlarını bu strateji məqsədə yönəldirdi.

Heydər Əliyevin hakimiyyətə qayıdışı Azərbaycan tarixinin dönüş nöqtəsi oldu. Xalqın tələbi ilə yenidən siyasi rəhbərliyə gələn ulu öndər ölkəni vətəndaş qarşıdurmasından, xaosdan, parçalanmaq təhlükəsindən xilas etdi. Onun liderliyi ilə Azərbaycan dövlətçiliyi bərpa olundu, ölkə sabitlik mərhələsinə qədəm qoydu.

Ulu öndərin böyük xidmətlərindən biri də Azərbaycanı dünyaya tanıtması oldu. O, həm regionda, həm də beynəlxalq səviyyədə balanslaşdırılmış siyasət apararaq ölkəmizin nüfuzunu yüksəltdi. Azərbaycan beynəlxalq əməkdaşlıq proseslərinin fəal iştirakçısına çevrildi.

Heydər Əliyevin xarici siyasət kursu Azərbaycanı həm Şərqin, həm də Qərbin etibarlı tərəfdaşına çevirdi. Bu gün dünyanın bir çox ölkələri Azərbaycanı sabitlik adası kimi tanıyırsa, bunun əsas səbəbi ulu öndərin qoyduğu sağlam siyasi irsdir.

Onun iqtisadi sahədə atdığı addımlar müasir Azərbaycanın inkişaf modelinin əsasını formalaşdırdı. Neft strategiyası, transmilli layihələr, iqtisadi islahatlar bu gün ölkəmizin gücünün əsas sütunlarıdır. Bu strateji xətt Azərbaycanı regionun mühüm geosiyasi və iqtisadi mərkəzinə çevirdi.

Heydər Əliyevin həyatı boyu əsas məqsədi Azərbaycanı güclü, inkişaf etmiş və müstəqil görmək idi. Bu amal uğrunda o, bütün varlığı ilə çalışdı, həyatını xalqına həsr etdi. Onun milli məfkurəsi bu gün də dövlət idarəçiliyinin əsas prioritetləri sırasındadır.

Ulu öndərin ideologiyasının ən böyük davamçısı isə Azərbaycan Respublikasının Prezidenti cənab İlham Əliyevdir. Heydər Əliyevin siyasi kursunu uğurla davam etdirən Prezident İlham Əliyev bu gün Azərbaycanı daha da güclü, daha da söz sahibi olan bir dövlətə çevirir.

Prezident İlham Əliyevin rəhbərliyi altında Azərbaycan öz tarixi ədalətini bərpa etdi. Müzəffər Ali Baş Komandan kimi tarixi Qələbəni reallaşdırdı və torpaqlarımız işğaldan azad edildi. Bu, Heydər Əliyevin arzusunun gerçəyə çevrilməsi idi. Xalqımızın birliyi, dövlətin iradəsi və güclü siyasi liderlik nəticəsində Azərbaycan yeni bir tarix yazdı.

Bu gün azad edilmiş torpaqlarda geniş tikinti və bərpa işləri aparılır, şəhərlərimiz dirçəlir, kəndlərimiz yenidən qurulur. Şuşa işğaldan azad edilərək Azərbaycanın mədəniyyət incisi kimi öz sahiblərinə qayıtmışdır. Bu gün həmin torpaqlarda həyat yenidən canlanır, insanlar öz dədə-baba yurduna qayıdır.

Azərbaycanın müasir inkişaf modeli həm ulu öndərin qoyduğu təməllərə, həm də Prezident İlham Əliyevin həyata keçirdiyi müasir islahatlara əsaslanır. Bu sintez ölkəmizin güclənməsini, dünyada layiq olduğu yeri tutmasını təmin edir.

Heydər Əliyev şəxsiyyəti zaman keçdikcə daha da ucalır. Onun dövlətçilik təfəkkürü, xalqına sevgisi, müdrikliyi, geniş dünyagörüşü hər bir Azərbaycan vətəndaşı üçün örnəkdir. O, böyük lider kimi millətin yaddaşına əbədi həkk olunmuşdur.

Bu gün Azərbaycan xalqı ulu öndərin əziz xatirəsini böyük ehtiramla yad edir. Onun ölkəmizin inkişafına verdiyi misilsiz töhfələr daim dəyərləndirilir, hər bir nəsil tərəfindən hörmətlə xatırlanır.

Heydər Əliyevin xatirəsinə olan bu sevgi və ehtiram tükənməzdir. Çünki o, yalnız bir siyasi lider deyil, xalqımızın taleyində dönüş yaradan, müstəqilliyimizin memarı olan dahi şəxsiyyətdir. Onun adı Azərbaycan tarixi ilə birləşmişdir.

Xalqımız ulu öndərin ideyalarını yaşadır və qoruyur. Onun siyasi irsi bu gün də yolumuzu işıqlandırır, gələcəyə inamla addımlamağımıza kömək edir. Heydər Əliyev yalnız öz dövrünün deyil, həm də bütün dövrlərin lideridir.

Anım günündə xalqımız onu dərin ehtiramla yad edir. Onun vətən sevgisi, xalqına bağlılığı, dövlət quruculuğundakı misilsiz xidməti hər zaman qürur mənbəyidir. Heydər Əliyev Azərbaycan xalqının qəlbində əbədi olaraq yaşayacaqdır.

Bu əbədi hörmət və sevgi heç zaman azalmayacaq, əksinə, zaman keçdikcə daha da güclənəcəkdir. Ulu öndərin siyasi irsi Azərbaycanı gələcəyə aparan ən möhkəm dayaqlardan biri olaraq qalacaqdır.

1993-cü il oktyabrın 3-də Azərbaycanın müasir tarixində dərin iz buraxan mühüm hadisə baş verdi. Xalqın mütləq əksəriyyətinin iradəsi ilə Ulu Öndər Heydər Əliyev Azərbaycan Respublikasının Prezidenti seçildi. Bu gün həmin tarixi günün ölkəmizin dövlətçiliyi və gələcək inkişafı üçün nə qədər böyük əhəmiyyət kəsb etdiyi aydın şəkildə görünməkdədir.

1990-cı illərin əvvəllərində Azərbaycan ağır siyasi, sosial və iqtisadi böhranla üz-üzə qalmışdı. Daxili çəkişmələr, idarəetmədə səriştəsizlik, Ermənistanın ölkəmizə qarşı hərbi təcavüzü və torpaqlarımızın işğalı xalqı dərin bir ümidsizliyə sürükləmişdi. Müstəqilliyini yenicə bərpa etmiş Azərbaycan dövlətçiliyinin mövcudluğu ciddi təhlükə altına düşmüşdü.

Belə bir həssas dönəmdə xalqın yeganə ümid yeri Ümummilli Lider Heydər Əliyev oldu. Azərbaycan xalqı, onun siyasi uzaqgörənliyinə, idarəçilik təcrübəsinə və müstəqil dövlət quruculuğundakı qətiyyətinə güvənərək, 3 oktyabr 1993-cü il tarixində keçirilmiş ümumxalq səsverməsində Heydər Əliyevi Prezident seçdi.

Bu seçkilər təkcə bir liderin Prezident postuna gəlməsi deyil, həm də dövlətçiliyin xilası, sabitliyin bərqərar olması və gələcək uğurların təməlini təşkil edən tarixi qərar oldu.

Heydər Əliyev qlobal düşüncəli, geniş dünyagörüşlü nəhəng bir siyasətçi idi. O, realist bir insan olaraq hadisələrə praqmatik yanaşırdı, ölkənin taleyi üçün uğurlu qərarlar qəbul edirdi. O, beynəlxalq aləmdə tarazlaşdırılmış siyasətin, ölçülüb-biçilmiş fəaliyyətin ustadı idi. Bu dahi siyasət adamı bütün fəaliyyəti boyu müdrik insan, peşəkar rəhbər, xalq məhəbbətini qazanan uzaqgörən siyasətçi və ağıllı dövlət xadimi olduğunu təsdiq etmişdir.

Ümumiyyətlə, Ümummilli Lider Heydər Əliyevin Azərbaycan dövləti və xalqı üçün gördüyü işlər çoxşaxəli və tarixi əhəmiyyətə malikdir. O, həm sovet dövründə, həm də müstəqillik illərində Azərbaycanın siyasi, iqtisadi və mədəni inkişafında həlledici rol oynamışdır.

Heydər Əliyevin Prezident seçilməsindən sonra Azərbaycanda bir çox mühüm addımlar atılmışdır. Belə ki, Ulu Öndər Prezident seçildikdən sonra qanunsuz silahlı birləşmələr ləğv edildi, Konstitusiya quruluşu bərpa edilərək hüquqi islahatlara start verildi, dövlətçiliyin əsasları möhkəmləndirildi, beynəlxalq münasibətlərdə Azərbaycanın mövqeyi gücləndi, neft strategiyası formalaşdırıldı və 1994-cü ildə “Əsrin müqaviləsi” imzalanaraq ölkənin iqtisadi inkişafına yeni nəfəs verildi, silahlı qüvvələrin formalaşdırılması, təhsil, səhiyyə, mədəniyyət və digər sahələrdə dərin islahatlar həyata keçirildi.

Bundan başqa, Azərbaycanda müstəqil dövlət təsisatlarının qurulması, beynəlxalq normalara söykənən demokratik, hüquqi dövlətin yaranması, milli, mənəvi və əxlaqi dəyərlərimizin qorunub saxlanması, bu dəyərlərin ümumbəşəri ideyalarla daha da zənginləşdirilməsi, ilk Milli Konstitusiyamızın qəbul edilməsi, vətəndaş cəmiyyətinin formalaşdırılması və yeni iqtisadi kursun müəyyənləşdirilməsi prosesinin müvəffəqiyyətli həlli məhz Ümummilli Lider Heydər Əliyevin xidmətləridir.

Heydər Əliyev təkcə bir siyasi lider deyil, müasir Azərbaycan dövlətinin qurucusu, xalqın xilaskarı və gələcəyə yol açan müdrik rəhbər olmuşdur. Onun uzaqgörənliyi, qətiyyəti və xalqına olan sədaqəti nəticəsində Azərbaycan dövlətçiliyi qorundu, müstəqillik möhkəmləndi və inkişafın təməli qoyuldu.

Ulu Öndər Heydər Əliyevin uğurlu xarici siyasət kursu nəticəsində beynəlxalq təşkilatlarla bərabərhüquqlu səviyyədə əməkdaşlıq müstəqilliyin əsas dayaqlarından birinə çevrilib.

Bu gün Azərbaycan Respublikasının müstəqil, güclü və suveren dövlət kimi mövcudluğu, beynəlxalq aləmdə nüfuz qazanması məhz 3 oktyabr 1993-cü il tarixində atılan möhkəm təmələ əsaslanır. Ulu Öndər Heydər Əliyevin milli maraqlara söykənən müdrik siyasəti ölkəmizin inkişaf yolunu müəyyən etmişdir.

Prezident Heydər Əliyevin rəhbərliyi altında həyata keçirilən islahatlar və strateji qərarlar Azərbaycanı tənəzzüldən çıxararaq, dinamik inkişaf edən dövlətə çevirdi. Bu gün də həmin siyasət Prezident İlham Əliyev tərəfindən uğurla davam etdirilir.

3 oktyabr tarixi xalqın öz gələcəyinə sahib çıxaraq, müdrik seçim etdiyi və Azərbaycan dövlətçiliyinin xilası üçün dönüş nöqtəsinə çevrilən unudulmaz bir gündür.

Azərbaycan xalqı üçün mühüm tarixi hadisə, müstəqil Azərbaycan dövləti üçün isə qurtuluşa gedən yol 1993-cü il oktyabrın 3-nə təyin edilmiş prezident seçkilərində xalqın böyük səs çoxluğu ilə türk dünyasının böyük oğlu Heydər Əliyevin Prezident seçilməsi ilə başladı. O gün, taleyüklü seçimlə bugünkü qüdrətli Azərbaycan dövlətinin təməli qoyuldu. “Bu gün mənim üçün tarixi, əlamətdar bir gündür. Mənə göstərilən bu böyük etimada görə Azərbaycan vətəndaşlarına, Azərbaycan xalqına hörmətimi, məhəbbətimi bildirir və əmin etmək istəyirəm ki, həyatımın sonuna qədər xalqıma sədaqətlə xidmət edəcək və bütün fəaliyyətimi Azərbaycan Respublikasının gələcək inkişafına sərf edəcəyəm.” Ümummilli Lider, dahi rəhbər andiçmə mərasimində söylədiyi bu sözlərə ömrü boyu əməl etdi. Ümummilli lider Heydər Əliyev öz xilaskarlıq missiyasının öhdəsindən yüksək səviyyədə gəldi.

Müdrik dövlət xadimi, görkəmli siyasətçi, Ulu Öndər Heydər Əliyev ölkəmizin və millətimizin müqəddəratının həll olunduğu son dərəcə mürəkkəb və təhlükəli məqamlarda öz üzərinə düşən xilaskarlıq missiyasını ləyaqətlə yerinə yetirərək ölkəmizi zamanın ağır sınaqlarından şərəflə çıxmasına nail oldu. Dahi şəxsiyyət Azərbaycanı bütün dünyaya humanist dövlət kimi tanıtmağı bacardı.

1993-cü il oktyabrın 3-də qədirbilən xalqımız özünün gələcək taleyini, müqəddəratını həll edən seçim etdi. Həmin gün ölkəmizdə keçirilən prezident seçkilərində xalqımızın böyük əksəriyyəti Ulu Öndər Heydər Əliyevə etimad göstərdi, özünün Prezidenti seçdi. Beləliklə, Azərbaycan xalqının gələcək taleyini müəyyən edən mühüm başlanğıcların əsası qoyuldu. Ölkə fəlakətdən xilas oldu, əmin-amanlıq bərpa edildi, böyük quruculuq işlərinə başlanıldı. Ulu Öndərin zəkası, uzaqgörənliyi sayəsində milli Konstitusiya qəbul edildi, Şərqdə ilk dəfə ölüm cəzasını ləğv edildi, mətbuatda senzura götürüldü. İlk dəfə olaraq ölkəmizdə özünüidarəetmə orqanı – bələdiyyələr yarandı, Azərbaycan Avropa Şurasına qəbul edildi, Bakıda dünya azərbaycanlılarının qurultayı keçirildi, ən əsası azərbaycançılıq ideyası, milli özünüdərk gücləndirildi. Ulu Öndər Heydər Əliyevin şəxsi təşəbbüsü və nüfuzu sayəsində ölkəmizin iqtisadi müstəqilliyini və əhalinin yüksək rifah halını təmin edəcək inkişaf strategiyası işlənib hazırlandı, “Əsrin müqaviləsi” adlandırılan ilk neft müqavilələri imzalandı, tarixi İpək Yolunun bərpasına başlandı.

Ulu Öndərin 90-cı illərin əvəllərində Naxçıvan MR Ali Məclisinin sədri kimi fəaliyyət göstərdiyi vaxtlar parlamentinin yeni tərkibdə keçirilən sessiyalarında gündəliyə çıxarılan məsələlər, qəbul edilən tarixi qərarlar Azərbaycanın müstəqilliyinə və suverenliyinə atılan addımlar idi. O zaman Naxçıvan Muxtar Respublikasında yaranmış gərgin, böhranlı vəziyyəti aradan qaldırmağın öhdəsindən məhz Heydər Əliyev – böyük təcrübəyə malik, səriştəli bir rəhbər, dünyada tanınmış siyasətçi gələ bilərdi.

Naxçıvanda 1992-ci il noyabrın 21-də respublikanın müxtəlif bölgələrindən gələn 550-dən artıq nümayəndənin iştirakı ilə bu günün hakim partiyası – Yeni Azərbaycan Partiyasının təsis konfransı keçirildi. Müstəqil Azərbaycanın tarixində öz üzərinə böyük tarixi missiya götürən Yeni Azərbaycan Partiyası yarandı. Ulu Öndər cəmiyyətimizin aparıcı siyasi qüvvəsi olan Yeni Azərbaycan Partiyasını qısa zamanda inkişaf etdirdi, özünün dediyi kimi “dünənin, bu günün və sabahın partiyası” səviyyəsinə yüksəltdi.

Ulu Öndərin təklifi ilə “sovet sosialist” sözləri muxtar respublikanın adından çıxarıldı, ilk dəfə olaraq Naxçıvanda Azərbaycan Xalq Cümhuriyyətinin bayrağı dövlət bayrağı kimi qəbul edildi. Tarixdə görünməmiş hadisə baş verdi: Heydər Əliyev 1991-ci ildə Naxçıvan Sovet İttifaqının saxlanması üçün keçirilən qanunsuz referendumda iştirak etmədi.

Müstəqillik tariximizin ən parlaq səhifələrindən biri bu günlərdə reallaşdı. Ulu Öndərin Ali Məclisin Sədri vəzifəsində işləyərkən 1991-ci il dekabrın 16-da Ali Məclis tərəfindən “31 Dekabr Dünya Azərbaycan Türklərinin Həmrəylik və Birlik Günü haqqında” Qərarın qəbul edilməsi dünya azərbaycanlılarını bir ideya ətrafında – Vətənə və xalqa xidmət uğrunda birləşməyə səslədi.

Ömrünün hər anı ilə ölkəmizin siyasi təqvimimizdə özünəməxsus yeri olan dahi şəxsiyyətin respublikamıza rəhbərlik etdiyi tarixi dövrdə gördüyü əvəzsiz işlər Azərbaycanı beynəlxalq arenada böyük nüfuza və söz sahibinə çevirdi. Ulu Öndər Heydər Əliyevin uğurlu xarici siyasət kursu nəticəsində beynəlxalq təşkilatlarla bərabərhüquqlu səviyyədə əməkdaşlıq müstəqilliyin əsas dayaqlarından birinə çevrildi. Azərbaycan torpaqlarının Ermənistan tərəfindən işğal olunması faktını ilk dəfə beynəlxalq təşkilatların siyasi gündəliyinə gətirilməsi də məhz Ulu Öndər Heydər Əliyev Əliyevin iti zəkası, fədakar əməyi, böyük zəhməti sayəsində mümkün olub.

"Bizim, Azərbaycan dövlətinin çox gözəl gələcəyi var. Biz bu gələcəyi müstəqillik yolunda görürük" – deyən Ulu Öndər Heydər Əliyevin siyasi fəaliyyətinin amalı, qayəsi xalqımızın yaxşı yaşamasını, ölkəmizin daha da qüdrətlənməsini təmin etmək idi.

Bu gün Ulu Öndər Heydər Əliyevin layiqli davamçısı Prezident cənab İlham Əliyev dahi şəxsiyyətin şah əsəri olan müstəqil Azərbaycanda bərqərar olan siyasi, iqtisadi və sosial inkişaf siyasətini uğurla davam etdirir. Ümummilli Lider Heydər Əliyevin arzuları reallaşır. Dahi şəxsiyyətin uzaqgörən, praqmatik siyasəti nəticəsində Azərbaycan dövləti 1993-cü ildən başlayaraq bu günə qədər Azərbaycan yüksəlişlərlə, qələbələrlə müşayiət olan şərəfli bir dövrünü yaşayır.

Azərbaycan xalqının müasir tarixində dönüş nöqtəsi olmuş 3 oktyabr 1993-cü il dövlətçilik salnaməmizin ən şərəfli səhifələrindən biridir. Həmin gün xalqımız öz xilaskarına - Heydər Əliyevə etimad göstərərək onu Azərbaycan Respublikasının Prezidenti seçdi. Bu seçim ölkəmizi xaosdan, tənəzzüldən və anarxiyadan xilas edərək sabitlik və tərəqqi yoluna çıxardı, dövlətimizin gələcək taleyini müəyyənləşdirdi.

1990-cı illərin əvvəllərində Azərbaycan dərin siyasi böhran, iqtisadi tənəzzül və vətəndaş qarşıdurması təhlükəsi ilə üz-üzə idi. Belə bir məqamda Heydər Əliyevin hakimiyyətə qayıdışı dövlətimizin xilası üçün tarixi zərurət oldu. Ulu Öndər xalqın etimadına söykənərək cəsarətli və uzaqgörən siyasət həyata keçirdi, Azərbaycanı dağılmaq təhlükəsindən xilas etdi və dövlətçiliyin möhkəmlənməsinə nail oldu.

Onun həyat amalını ifadə edən məşhur sözləri bu gün də dövlətçilik andı kimi səslənir: “Mən bütün həyatımı yalnız və yalnız Azərbaycan xalqına həsr etmişəm”.

1993-2003-cü illərdə Ulu Öndər Heydər Əliyevin rəhbərliyi ilə:

dövlət idarəçiliyi möhkəmləndi və səmərəliliyi təmin olundu,

ölkədə ictimai-siyasi sabitlik bərpa edildi,

dayanıqlı iqtisadi inkişafın möhkəm təməli qoyuldu,

xalqla iqtidar arasında etimada əsaslanan birlik formalaşdı,

Azərbaycanın müstəqilliyi dönməz xarakter aldı, dövlət suverenliyi etibarlı şəkildə qorundu,

neft strategiyası həyata keçirildi və ölkənin beynəlxalq nüfuzu gücləndi,

Milli Ordunun yaradılması və müdafiə qabiliyyətinin artırılması istiqamətində mühüm addımlar atıldı,

Azərbaycan beynəlxalq aləmdə etibarlı tərəfdaş kimi tanındı,

Konstitusiya qəbul olunaraq demokratik, hüquqi dövlətin institusional əsasları quruldu,

elm, təhsil və mədəniyyətin inkişafına xüsusi diqqət yetirildi, milli-mənəvi dəyərlərin qorunması təmin edildi.

Qeyd edək ki, “Əsrin müqaviləsi” ilə Azərbaycanın enerji siyasətinin təməli qoyuldu, ölkə regionun aparıcı dövləti və etibarlı tərəfdaşı kimi tanındı. Eyni zamanda, Ulu Öndərin balanslaşdırılmış xarici siyasəti Azərbaycanın beynəlxalq nüfuzunu artırdı və müstəqilliyini möhkəmləndirdi. Onun müdrik sözləri bu siyasətin mahiyyətini açıq ifadə edir: “Biz tam müstəqil bir dövlətik. Azərbaycan dünya birliyində müstəqil dövlət kimi özünəməxsus yer tutur”.

Bu gün respublikamız Heydər Əliyev ideyaları əsasında inkişaf edir. Onun dövlətçilik irsi, milli həmrəylik və xalq-iqtidar birliyi prinsipləri müasir Azərbaycanın uğurlarının əsasıdır.

Məhz bu möhkəm təməlin üzərində Prezident, Müzəffər Ali Baş Komandan İlham Əliyevin rəhbərliyi ilə 2020-ci ildə tarixi Böyük Zəfər qazanıldı, torpaqlarımız işğaldan azad edildi. Azərbaycan Heydər Əliyevin arzuladığı kimi qüdrətli və qalib dövlətə çevrildi.

Bir sözlə, 32 il əvvəl xalqımızın verdiyi tarixi qərar bugünkü qalib Azərbaycanın əsasını qoydu.

Ulu Öndər Heydər Əliyevin xilaskarlıq missiyası, müdrik dövlətçilik siyasəti və əbədi ideyaları müstəqilliyimizin dönməzliyinin təminatıdır.

Azərbaycan xalqı daim fəxr edəcək ki, onun tarixində dahi rəhbər, xilaskar Lider - Heydər Əliyev olub. Bu yol bu gün Prezident İlham Əliyevin rəhbərliyi ilə uğurla davam etdirilir və xalqımız yeni zirvələrə doğru inamla irəliləyir.

Emin Süleymanov - "COP29"un Bakıda keçirilməsi mühüm beynəlxalq tədbirlərin təşkilinə görə böyük təcrübəyə malik olan Azərbaycanın dünyada yüksək nüfuzunun göstəricisidir.

BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası- COP29 iqlim dəyişikliyi ilə mübarizədə çox vacib və dünyanın ən əhəmiyyətli tədbirlərindən biridir:

"COP29 kimi böyük beynəlxalq tədbirin Azərbaycanda keçirilməsi isə böyük tarixi hadisədir. Bu, eyni zamanda, Azərbaycanın dünyada yüksək nüfuzunun göstəricisidir.

COP29-un Azərbaycanda keçirilməsi, ilk növbədə, Prezident İlham Əliyevin dünyada yüksək nüfuzunun və həyata keçirdiyi uğurlu siyasətin parlaq nümunəsidir. Dövlətimizin başçısı qazanılan bu uğurla Azərbaycanın qüdrətini bir daha dünyaya göstərdi və beynəlxalq aləmdə böyük etimad qazandığını nümayiş etdirdi.

Məlumdur ki, Azərbaycan qlobal problemlərdən biri olan iqlim dəyişmələrinə qarşı səyləri səfərbər etmək və bu mübarizəyə töhfə verməklə dünyanın diqqət mərkəzinə çevrilib. Bu gün dünyada təbiətə vurulan zərərin, ekoloji problemlərin qarşısının alınması qlobal bir çağırışdır. Getdikcə daha təhlükəli hal alan bu təhdidlər təxirəsalınmaz tədbirlər görülməsini, ölkələrin və beynəlxalq təşkilatların koordinasiyalı fəaliyyət göstərməsini zərurətə çevirib. Azərbaycan da bu çağırışa qoşulan ölkələr sırasındadır.

Azərbaycan özü bu sahədə mühüm tədbirlər görüb. Görülən işlər nəticəsində ekologiyanın və ətraf mühitin qorunması istiqamətində uğurlar əldə edilib. İşğaldan azad edilmiş Qarabağ və Şərqi Zəngəzur bölgəsinin Azərbaycan Prezidenti İlham Əliyev tərəfindən yaşıl enerji zonası elan olunması da bu baxımdan yüksək dəyərləndirilməlidir. Onu da vurğulamaq yerinə düşər ki, qeyd olunan qlobal mənzərə milli səviyyələrdə ölkələrin məsuliyyətini artırır. Hər bir dövlət öz siyasətində dekarbonizasiya məsələlərini önə çəkməlidir.

Azərbaycanın yaşıl enerjiyə keçid siyasətinə sadiqliyi və bu istiqamətdə götürdüyü öhdəliklər də diqqətəlayiqdir.

Azərbaycan enerji istehsalçısı olmasına baxmayaraq, bərpaolunan enerji mənbələrinə böyük sərmayələr yatırır və bu sahədə qabaqcıl təşəbbüsləri ilə tanınır. Məsələn, son beş ildə Azərbaycanın bərpaolunan enerji layihələrinə sərmayə qoyuluşu diqqət çəkir. Ümumilikdə isə Azərbaycan 2027-ci ilədək 2,8 milyard ABŞ dolları həcmində BOEM (bərpa olunan enerji mənbələri) layihələrinin icrasını planlaşdırır. Bu da yaşıl enerji potensialının inkişafına verdiyi önəmi nümayiş etdirir.

Lakin bir məsələ də var. Belə ki, Azərbaycan iqlim təhlükəsizliyinə verdiyi vacib dəstəyə baxmayaraq enerji istehsalçısı olduğu üçün bəzi hallarda diskriminasiyaya məruz qalır. Bu yanaşma, beynəlxalq iqlim mübarizəsində ədalətli yanaşmanın təmin olunmasını daha da zəruri edir.

COP29 bütün dünya dövlətləri üçün önəmlidir və ona görə də, bu mötəbər tədbirdə dünya ölkələrinin iqlim dəyişiklikləri ilə mübarizəni gücləndirmək üçün maliyyələşmə məsələsində razılığa gələcəyini gözləmək olar.

COP29-a ev sahibliyi etməklə Azərbaycan yaşıl enerji üzrə lider ölkələrlə, həmçinin maliyyə elitaları ilə münasibətlərini genişləndirə biləcək. Çünki aparıcı ölkələrin və maliyyə mərkəzlərinin dəstəyi və sərmayəsi olmadan enerji keçidini reallaşdırmaq və öhdəlikləri yerinə yetirmək mümkün deyil. Azərbaycanın alternativ enerji mənbələri üzrə təsdiqlənmiş böyük potensialının olduğunu nəzərə alsaq, rəsmi Bakı üçün ölkəyə sərmayə qoyulmasına çağırışların edilməsi və beynəlxalq maliyyə kanallarının açılması strateji əhəmiyyət daşıyır. Bu kontekstdə maliyyə təminatı iqlim dəyişikliyi ilə mübarizədə böyük önəm kəsb edir.

Yəni, bu baxımdan da COP29 tədbirində maliyyə məsələləri xüsusi diqqət mərkəzində olacaq. COP və iqlim dəyişməsi ilə əlaqədar dünya Qərbdən yeni maliyyə öhdəlikləri gözləyir. Lakin biz görürük ki, bu qlobal problemlə mübarizədə maliyyə öhdəliyindən yayınmaq üçün Qərb COP29-a ev sahibliyi edən ölkəyə qarşı böhtan və şantaj kampaniyası aparır. Bu isə qəbulolunmazdır. Nəzərə alsaq ki, iqlimə böyük ziyan vuranlar arasında Qərb ölkələri daha çox üstünlük təşkil edir. Bu baxımdan, onlar Azərbaycanın xoş niyyətinə zərbə vurmağa və beynəlxalq ictimaiyyətin diqqətini əsas məsələlərdən yayındırmağa çalışırlar.

Buna görə də, beynəlxalq ictimaiyyətin bu cür taktikaların fərqində olması və inkişaf etməkdə olan ölkələrin haqqını qorumaq üçün səs çıxarması vacibdir.

Amma bir fikiri xüsusi qeyd etmək lazımdır. Bütün təzyiqlərə baxmayaraq Azərbaycan COP29 kimi mötəbər tədbiri yenə də yüksək səviyyədə təşkil edir. Ona görə ki, Azərbaycan beynəlxalq tədbirləri keçirməkdə böyük təcrübəyə malikdir"

Beyləqan rayon 1 saylı notariat ofisinin xüsusi notariusu Cəsarət Qasımov - Zəfər Günü xalqımız üçün həm mənəvi-siyasi, həm də strateji əhəmiyyət daşıyır. Bu tarix ölkəmizin ərazi bütövlüyünün bərpasını simvollaşdırır. Müzəffər Ali Baş Komandanın liderliyi ilə xalqın və ordunun birgə gücü sayəsində möhtəşəm Qələbənin əldə olunması milli qürur mənbəyinə çevrildi.

İkinci Qarabağ müharibəsi Cənubi Qafqazda yeni geosiyasi vəziyyət yaratdı. Azərbaycan ərazi bütövlüyünü bərpa etməklə yanaşı, regionda sülh və sabitlik üçün də əhəmiyyətli zəmin formalaşdırdı. Regionda diplomatik müzakirələrin intensivləşməsi, yeni əməkdaşlıq platformalarının formalaşdırılması da bu Qələbənin nəticəsi kimi qeyd olunur.

Azərbaycan beynəlxalq hüquqa əsaslanaraq öz haqlarını təmin etdi. BMT Təhlükəsizlik Şurasının qətnamələrinin reallaşdırılması beynəlxalq hüququn və tarixi ədalətin bərpası kimi çox mühüm əhəmiyyətə malikdir.

Zəfər Günü milli ruhun və qürurun ifadəsi kimi Azərbaycan xalqını birləşdirən böyük bir dəyərdir. Prezident İlham Əliyevin rəhbərliyi ilə ölkədə vahid iradə və məqsəd ətrafında formalaşan milli birlik bu Qələbəni mümkün etdi.Azərbaycan Ordusunun cəsarəti və xalqın dəstəyi milli birliyi möhkəmləndirdi. Xalq ordunun yanında oldu – gənclər cəbhəyə könüllü olaraq yollandı, hər kəs arxa cəbhədə yardım və dəstək göstərdi. Ali Baş Komandanın “Dəmir yumruq” əməliyyatı xalqın dövlətə olan etimadını daha da artırdı.

Zəfər Günündən sonra xalqın milli birliyi azad olunan torpaqlarda yenidənqurma işlərində öz əksini tapdı. Xalq Qarabağın bərpası məqsədilə fəaliyyət göstərərək, gələcək nəsillər üçün bu torpaqların yenidən həyat mənbəyinə çevrilməsi yolunda bir araya gəldi.

Bir sözlə, bu Qələbə Azərbaycan tarixində yeni bir səhifə açdı və milli kimliyin qorunub saxlanılmasında xüsusi rol oynadı. Zəfər Günü xalqımızın tarixi yaddaşında milli birliyin, həmrəyliyin və dövlətçilik ruhunun simvolu olaraq əbədiləşdi.

Şanlı Zəfər gənc nəslin vətənpərvərlik ruhunu gücləndirdi. Xalq Qələbə ruhu və müstəqillik ideyasını gələcək nəsillərə ötürməyi öz üzərinə götürdü və bu, ölkənin milli birlik ruhunun gələcəkdə də yaşamasına zəmanət yaradır.

10 noyabr 2020-ci ildə Azərbaycan, Ermənistan və Rusiya arasında imzalanmış Üçtərəfli Bəyanat 44 günlük Vətən müharibəsinin sona çatmasını və Qarabağ münaqişəsinin hərbi fazasının bitməsini rəsmiləşdirən mühüm bir sənəddir. Bu bəyanat, münaqişənin siyasi həllində mühüm addım olmaqla yanaşı, regionda sülh və sabitlik üçün yeni bir mərhələ açdı. Bəyanata əsasən, Azərbaycan və Ermənistan arasında hərbi əməliyyatlar dərhal dayandırıldı. Bu, münaqişə zonasında qan tökülməsinin qarşısını aldı və dinc əhalinin təhlükəsizliyini təmin etdi.

Bəyanat nəticəsində Kəlbəcər, Ağdam və Laçın rayonları döyüşsüz şəkildə Azərbaycana qaytarıldı. Bu, ölkəmizin ərazi bütövlüyünün bərpasında önəmli addım oldu və BMT-nin Təhlükəsizlik Şurasının müvafiq qətnamələrinin icrasını təmin etdi.

Bəyanatla Naxçıvanla Azərbaycanın əsas hissəsi arasında yeni bir nəqliyyat dəhlizinin – Zəngəzur dəhlizinin açılması nəzərdə tutulur. Bu dəhliz Azərbaycanın bölgəyə çıxışını təmin edəcək və regional nəqliyyat əlaqələrini inkişaf etdirəcək strateji əhəmiyyətə malikdir.

Nəticə etibarilə, üçtərəfli Bəyanat Cənubi Qafqazda uzunmüddətli sülh və əməkdaşlıq üçün bir platforma yaradır. Azərbaycan bu Bəyanat əsasında regionda iqtisadi layihələr, nəqliyyat yolları və inkişaf perspektivləri təklif edərək bütün Cənubi Qafqazın rifahına töhfə verməyi hədəfləyir.